Азімы ячмень амаль сабраны, пачалася ўборка рапсу. Як праходзіць жніво ў Мінскай вобласці
Фота з архіва 21 ліпеня, Мінск . Аб тым, як праходзіць уборачная кампанія ў Мінскай вобласці, журналістам пасля селектарнай нарады з Прэзідэнтам Беларусі Аляксандрам Лукашэнкам расказаў першы намеснік старшыні Мінаблвыканкама Васіль Сысоеў,
«На сённяшні дзень Мінская вобласць мае вельмі высокую гатоўнасць тэхнікі, засталіся лічаныя адзінкі камбайнаў і збожжатокаў, якія завяршаюць рамонт. Асноўная частка тэхнікі ўжо, скажам так, уступіла ў бой», — адзначыў Васіль Сысоеў.
Ён указаў на тое, што ў Мінскай вобласці практычна ўжо завершана ўборка азімага ячменю. «Убралі яго на плошчы 60 тыс. га. Пры гэтым ураджайнасць склала амаль 55 ц/га. Гэта вельмі добры прырост да ўзроўню мінулага года. Пачынаецца ўборка азімага рапсу. Убрана амаль 10 працэнтаў плошчаў. Ураджайнасць з кожным днём расце. Разлічваем, што будзе вельмі нядрэнны падагульняючы ўраджай», — падкрэсліў першы намеснік старшыні Мінаблвыканкама.
Прэзідэнт Беларусі Аляксандр Лукашэнка даручыў нарошчваць тэмпы ўборачнай кампаніі, каб з наступнага тыдня штодзённа ўбіраць не менш як 6 працэнтаў пасеваў збожжавых. Васіль Сысоеў упэўнены, што аграрыям Мінскай вобласці гэта задача пад сілу. «Кадры ўкамплектаваны ва ўсіх раёнах, тэхніка задзейнічана ў рабоце. Дадзены даручэнні вызначыць адказных асоб на месцах, якія б аператыўна інфармавалі райвыканкамы, аблвыканкам і камітэт па сельскай гаспадарцы аб любых узнікаючых цяжкасцях: з палівам, з адвозам збожжа, з работай і рамонтам камбайнаў або чымсьці іншым», — сказаў ён.
Рэзюмуючы, першы намеснік старшыні Мінаблвыканкама сказаў, што ўвесь спектр папярэдніх работ у вобласці выкананы ў поўным аб’ёме. «Цяпер неабходна звярнуць асаблівую ўвагу на якасць уборкі, мінімізацыю страт для таго, каб сабраць, як сказаў сёння кіраўнік дзяржавы, усё да апошняга зярнятка», — падкрэсліў Васіль Сысоеў. 
Фота Мікалая Пятрова
