Турызм у Беларусі: вынікі і планы
У Беларусі актыўна развіваюцца 13 відаў турызму*.
Па выніках 2025 года:
1255 арганізацый ажыццяўлялі турыстычную дзейнасць і экскурсійнае абслугоўванне;
3,5 млн турыстаў і экскурсантаў скарысталіся турыстычнымі паслугамі;
579,2 тыс. арганізаваных замежных турыстаў і экскурсантаў наведалі Беларусь (у 2024 годзе — 366,7 тыс.);
4 дні — сярэдняя працягласць знаходжання замежных турыстаў у Беларусі;
2,2 млн беларусаў падарожнічалі па турах у межах краіны;
503 санаторна-курортныя, аздараўленчыя арганізацыі і спецыялізаваныя сродкі размяшчэння наведалі больш за 1,1 млн чалавек (з іх больш за 867 тыс. — грамадзяне Беларусі);
1441 суб’ект аграэкатурызму прадаставіў паслугі 472,5 тыс. наведвальнікаў**.
2025 год стаў новай вяхой у гісторыі кіравання беларускім турызмам. 10 верасня 2025 г. падпісаны ўказ Прэзідэнта №329 «Аб удасканаленні дзяржаўнага кіравання ў сферы турызму». Згодна з дакументам, новай структурай — рэгулятарам галіны з’яўляецца Нацыянальнае агенцтва па турызме.
Развіццё турызму — адзін з прыярытэтаў сацыяльна-эканамічнага развіцця Беларусі на бліжэйшыя пяць гадоў.
У рамках дзяржпраграмы «Турызм» на 2026-2030 гады (мэта — павысіць уклад галіны ў эканоміку краіны і яе рэгіёнаў) плануецца рэалізаваць 130 інфраструктурных праектаў. Агульны аб’ём фінансавання — 1,78 млрд бел. руб.
Да 2030 года плануецца павелічэнне долі сферы турызму ў ВУП да 4,5%.
* Аграэкатурызм, актыўны, гастранамічны, дзелавы, гісторыка-культурны, лячэбна-аздараўленчы, медыцынскі, адукацыйны, паляўнічы, прамысловы, рэлігійны, падзейны, экалагічны (згодна з адзінай класіфікацыяй відаў турызму ў Беларусі).
** Паводле даных Міністэрства па падатках і зборах.
Крыніцы: Белстат, Нацагенцтва па турызме, пастанова Саўміна ад 30.10.2025 г. №797.
