Турчын і Мініханаў абмеркавалі прамкааперацыю і сумесныя праекты Беларусі і Татарстана
Фота ўрада Беларусі 25 мая, Мінск . Прэм’ер-міністр Беларусі Аляксандр Турчын і кіраўнік Татарстана Рустам Мініханаў абмеркавалі пытанні двухбаковага парадку дня за рабочым абедам, паведамілі ў прэс-службе ўрада.
«Калі ў аснове ўсяго — асаблівыя сяброўскія адносіны, нават афіцыйны парадак дня набывае асаблівы характар. Менавіта гэтым тлумачыцца фармат сённяшняй сустрэчы», — адзначылі ў прэс-службе ўрада.
Сустрэча прадоўжыла дыялог, пачаты на ўзроўні Прэзідэнта Беларусі і кіраўніка Татарстана, і ўмацавала статус Татарстана як аднаго з ключавых партнёраў Беларусі сярод рэгіёнаў Расійскай Федэрацыі. Асаблівая ўвага была ўдзелена пытанням прамысловай кааперацыі і рэалізацыі сумесных праектаў.
Па выніках рабочай сустрэчы дасягнуты дамоўленасці аб далейшым паглыбленні ўзаемадзеяння па прыярытэтных напрамках двухбаковага парадку дня.
З кожным годам узаемадзеянне Беларусі і Татарстана набывае ўсё больш глыбокі практычны змест, фарміруючы надзейную аснову для развіцця двухбаковых адносін. Патэнцыял беларуска-татарстанскага супрацоўніцтва каласальны. Пры гэтым важна знайсці новыя стымулы для паглыблення інтэграцыйных працэсаў і захавання агульнай паспяховай дынамікі.
Беларускі бок адкрыты да абмеркавання ўсяго спектра перспектыўных напрамкаў сумеснай работы, нацэленых на доўгатэрміновую перспектыву і ўзаемавыгадны вынік. Задача нумар адзін — прапрацаваць новыя дамоўленасці, адкрыўшы новы этап у рэалізацыі сумесных праектаў.
