Юніёрскія і жаночыя зборныя Беларусі па хакеі вяртаюцца на чэмпіянаты свету
Фота з архіва 28 мая, Мінск . Міжнародная федэрацыя хакея (IIHF) прыняла рашэнне аб допуску беларускіх зборных да ўдзелу ў чэмпіянатах свету ў сезоне-2026/27. Аб гэтым паведамілі БЕЛТА ў прэс-службе Федэрацыі хакея Беларусі.
У адпаведнасці з рашэннем IIHF мужчынская юніёрская зборная Беларусі (да 18 гадоў) прыме ўдзел у чэмпіянаце свету ўжо ў сезоне-2026/27 (турнір пройдзе ў ЗША з 22 красавіка па 2 мая 2027 года). Акрамя таго, у праграму чэмпіянатаў свету ўключаны жаночая юніёрская і жаночая нацыянальная зборныя краіны.
Федэрацыя хакея Беларусі прадоўжыць актыўную работу па хутчэйшым вяртанні нацыянальнай і маладзёжнай мужчынскіх зборных да ўдзелу ў афіцыйных міжнародных спаборніцтвах пад эгідай IIHF.
