Пяскоў назваў сітуацыю з перагаворамі па Украіне «зацягнутай паўзай»
Дзмітрый Пяскоў. Фота з архіва ТАСС 24 кастрычніка, Мінск /Кар. БЕЛТА/. Масква ацэньвае сітуацыю з перагаворамі па Украіне як «зацягнутую паўзу». Аб гэтым паведамляе ТАСС са спасылкай на заяву прэс-сакратара прэзідэнта РФ Дзмітрыя Пяскова.
«Ацэньваем як паўзу, вельмі ўжо зацягнутую паўзу, якая ўзнікла па прычыне нежадання Кіева інтэнсіфікаваць гэты самы перагаворны працэс», — адзначыў ён, адказваючы на пытанне, як у Крамлі ацэньваюць бягучую сітуацыю з перагаворамі па Украіне.
Пяскоў таксама адхіліў сцвярджэнні аб зрыве саміту Расіі і ЗША ў Будапешце і падкрэсліў, што аб яго тэрмінах ніхто не дамаўляўся.
Як паведамлялася, 16 кастрычніка Трамп пасля размовы па тэлефоне з Пуціным паведаміў, што яны дамовіліся сустрэцца ў хуткім часе ў Будапешце. Прэм’ер-міністр Венгрыі Віктар Орбан распарадзіўся стварыць аргкамітэт па падрыхтоўцы да саміту. Аднак 23 кастрычніка Дональд Трамп заявіў аб адмене сустрэчы з Уладзімірам Пуціным, якая павінна была адбыцца ў Будапешце. Пры гэтым ён адзначыў, што «мы правядзём яе ў будучым».-0-
