Пасяджэнне рабочай групы па супрацоўніцтве Беларусі з Іркуцкай вобласцю Расіі пройдзе 25 жніўня
Фота з архіва 24 жніўня, Брэст . Адзінаццатае пасяджэнне рабочай групы па супрацоўніцтве Беларусі з Іркуцкай вобласцю Расіі пройдзе 25 жніўня. Аб гэтым паведамілі ў Брэсцкім аблвыканкаме.
У расійскі рэгіён прыбыла ўжо беларуская дэлегацыя на чале са старшынёй Брэсцкага аблвыканкама Пятром Пархомчыкам — адказным за каардынацыю супрацоўніцтва Беларусі і Іркуцкай вобласці. Бакі абмяркуюць вынікі ўзаемадзеяння ў першай палове 2026 года, намецяць праекты для работы ў бліжэйшай перспектыве. Чакаецца падпісанне плана мерапрыемстваў аб гандлёва-эканамічным, навукова-тэхнічным, культурным і гуманітарным супрацоўніцтве на 2026-2028 гады.
Пасяджэнне рабочай групы па чарзе праходзіць на беларускім і расійскім баку.
У Іркуцк прыляцела прадстаўнічая дэлегацыя Беларусі. У яе склад увайшлі афіцыйныя асобы і дзелавыя колы. Сфарміравана насычаная праграма, якая ўключае наведванне прадпрыемстваў, удзел у Байкальскім міжнародным форуме партнёраў, біржы кантактаў экспарцёраў/імпарцёраў, гандлёва-закупачнай сесіі гандлёвых сетак.
Візіт беларускай дэлегацыі прадоўжыцца па 27 жніўня.
