Пашырэнне народнай дыпламатыі. Рыжанкоў сустрэўся з ганаровым консулам Рэспублікі Беларусь у Люцэрне
Фота МЗС 20 чэрвеня, Мінск . Міністр замежных спраў Рэспублікі Беларусь Максім Рыжанкоў 20 чэрвеня прыняў ганаровага консула Рэспублікі Беларусь у горадзе Люцэрне (Швейцарыя) Германа Александэра Беелера. Аб гэтым паведамілі ў прэс-службе беларускага знешнепалітычнага ведамства.
У ходзе сустрэчы абмеркаваны шляхі актывізацыі ўзаемадзеяння ў розных галінах, ініцыятывы ганаровага консула па рэалізацыі новых сумесных праектаў. Асаблівая ўвага была ўдзелена ролі ганаровага консула ў пашырэнні народнай дыпламатыі, развіцці супрацоўніцтва ў галіне аховы здароўя, спорту і культурных абменаў.
Міністр падзякаваў ганароваму консулу за значны ўклад ва ўмацаванне беларуска-швейцарскіх сувязей у сацыяльна-гуманітарнай сферы і ўручыў яму нагрудны знак узнагароды органаў дыпламатычнай службы «Партнёрства».
