Парывісты вецер, моцныя дажджы і навальніцы. Якім будзе надвор’е ў Беларусі 27 чэрвеня
Фота з архіва 26 чэрвеня, Мінск . У Беларусі 27 чэрвеня будзе парывісты вецер, моцныя дажджы і навальніцы. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу ноччу чакаецца пераменная воблачнасць, пераважна без ападкаў. Раніцай і днём будзе воблачна з праясненнямі, на большай частцы тэрыторыі краіны пройдуць дажджы, месцамі магчымы моцныя дажджы і навальніцы. Вецер прагназуецца заходні з пераходам на паўднёвы ноччу 3-8 м/с, днём 5-10 м/с, з парывамі да 14 м/с, у асобных раёнах з парывамі 15-20 м/с.
Тэмпература паветра ноччу складзе 8-14 градусаў цяпла. Днём будзе плюс 18-24.
