Прызёры чэмпіянату Беларусі па скачках у ваду вызначыліся ў Мінску
Фота Мінспорту 31 мая, Мінск . У сталічным басейне міжнароднага стандарту завяршыўся чэмпіянат Беларусі па скачках у ваду 2026 года,
Удзельнікі нацыянальнага першынства разыгралі 13 камплектаў узнагарод. Абсалютнай чэмпіёнкай краіны сярод дзяўчат стала 13-гадовая Аляксандра Пузь, якая перамагла ў скачках з метровага і трохметровага трамплінаў, а таксама з 10-метровай вышкі. У мужчын два залатыя медалі на абодвух трамплінах узяў Мацвей Лупека, а лепшы рэзультат на вышцы паказаў Сяргей Малашонак.
У сінхронных скачках з трампліна Лупека святкаваў поспех разам з Яўгенам Кандратовічам, а Малашонак у дуэце з Аляксандрам Каласковым першынствавалі на вышцы. У жанчын у гэтых відах праграмы вызначыліся Алёна Забродская і Арына Папова (трамплін), а таксама Дар’я Кулыева і Варвара Корж (вышка).
У змешаных турнірах залатыя медалі заваявалі пары Пузь — Малашонак (10 метраў) і Кандратовіч — Забродская (3 метры). У камандным першынстве перамаглі прадстаўнікі Рэспубліканскага цэнтра алімпійскай падрыхтоўкі па водных відах спорту.
Па выніках чэмпіянату Беларусі па скачках у ваду будуць сфарміраваны нацыянальныя каманды на чэмпіянат Еўропы сярод юніёраў, які ў канцы чэрвеня пройдзе ў Будапешце, а таксама на дарослы кантынентальны форум, які ў пачатку жніўня прыме Парыж.
