МЗС: міжрэгіянальнае супрацоўніцтва Беларусі і Расіі выходзіць на новы ўзровень
Фота з архіва 2 красавіка, Мінск . Міжрэгіянальнае супрацоўніцтва Беларусі і Расіі выходзіць на новы ўзровень, заявіў першы намеснік міністра замежных спраў Сяргей Лукашэвіч у праграме «Эканамічнае асяроддзе» на «Беларусь 1», .
Толькі за мінулы год 215 дэлегацый ажыццявілі ўзаемныя візіты, 165 дэлегацый дзелавых колаў наведалі Расію і Беларусь. 30 сакавіка Прэзідэнт Беларусі правёў сустрэчу з губернатарам Чукоцкай аўтаномнай акругі — рэгіёна, які знаходзіцца на іншым канцы кантынента.
«Нам цікавы ўсе рэгіёны Расійскай Федэрацыі. Менавіта рэгіянальнае супрацоўніцтва з’яўляецца асновай Саюзнай дзяржавы, — адзначыў Сяргей Лукашэвіч. — Мы гатовы супрацоўнічаць з усімі».
Прамыя авіязносіны з Мінскам наладжаны з 20 гарадоў Расіі. Стартуе новы чыгуначны праект, які злучыць Віцебск са Смаленскам і Оршу са Смаленскам. Гэта першы крок да больш маштабных планаў.
Сяргей Лукашэвіч дадаў, што краіны паступова пашыраюць дыпламатычную прысутнасць — як Беларусь у РФ, так і наадварот. «Мы ўжо глядзім на далёкія і блізкія рэгіёны, нашы калегі з Расіі — на абласныя цэнтры. Працэс запушчаны, ён ідзе са сваёй хуткасцю — з рознымі ўзгадненнямі, упарадкаваннем», — праінфармаваў першы намеснік міністра.
Таксама добрымі пляцоўкамі для ўзаемадзеяння ён назваў форумы рэгіёнаў, «ІНАПРАМ. Беларусь», «Белагра». Такія фарматы цікавыя як прадстаўнікам улады, так і бізнесу. 
