МЗС Беларусі зрабіла заяву ў сувязі з сітуацыяй вакол Тайваня
Фота з архіва 30 снежня, Мінск . Міністэрства замежных спраў Беларусі зрабіла заяву ў сувязі з сітуацыяй вакол Тайваня,
«Рэспубліка Беларусь ўважліва назірае за развіццём сітуацыі вакол вострава Тайвань. Мы падтрымліваем усе намаганні кітайскага ўрада па дасягненні нацыянальнага ўз’яднання, абароне суверэнітэту і тэрытарыяльнай цэласнасці», — гаворыцца ў дакуменце.
«Ні адна дзяржава не мае права ўмешвацца ва ўнутраныя справы іншых краін і ажыццяўляць націск, у тым ліку шляхам палітычнай, фінансавай, ваеннай і іншай падтрымкі», — заявілі ў знешнепалітычным ведамстве.
«Падобныя дзеянні вядуць да эскалацыі напружанасці, дэстабілізуюць абстаноўку і парушаюць баланс у Азіяцка-Ціхаакіянскім рэгіёне, што ў канчатковым выніку падрывае асновы міжнароднай бяспекі», — адзначана ў заяве Міністэрства замежных спраў Рэспублікі Беларусь.
