Жапараў заклікаў паскорыць стварэнне Універсальнага цэнтра па процідзеянні пагрозам ШАС
Садыр Жапараў. Фота Адміністрацыі прэзідэнта КР 24 ліпеня, Бішкек /БЕЛТА — Кабар/. Прэзідэнт Кыргызстана Садыр Жапараў заклікаў паскорыць стварэнне Універсальнага цэнтра па процідзеянні выклікам і пагрозам бяспецы дзяржаў — членаў Шанхайскай арганізацыі супрацоўніцтва.
«Тэрарызм, экстрэмізм, незаконны абарот наркотыкаў і транснацыянальная арганізаваная злачыннасць таксама хутка прыстасоўваюцца да новых умоў. Усё гэта сведчыць аб адным: бяспека сёння мае палітычнае, эканамічнае, тэхналагічнае, экалагічнае і гуманітарнае вымярэнне», — сказаў ён.
Паводле яго слоў, ні адна краіна не можа справіцца з такім комплексам выклікаў паасобку. «Таму ШАС павінна і ў далейшым умацоўвацца як прастора сумеснай адказнасці і ўзгодненых дзеянняў», — падкрэсліў Садыр Жапараў.
Прэзідэнт Кыргызстана таксама акцэнтаваў увагу на неабходнасці пашырэння гандлёва-эканамічнага супрацоўніцтва, развіцця транспартных маршрутаў, рэалізацыі сумесных інвестыцыйных праектаў і ўмацавання ўзаемадзеяння паміж дзяржавамі ШАС.
Ён адзначыў, што старшынства Кыргызстана праходзіць у юбілейны год — 25-годдзя стварэння ШАС, падкрэсліўшы значнасць арганізацыі як пляцоўкі для раўнапраўнага дыялогу і сумеснага пошуку рашэнняў.-0-
