Камандна-штабное вучэнне тэрытарыяльных войскаў Чэрвеньскага і Бярэзінскага раёнаў пройдзе па 16 верасня
Фота з архіва 14 верасня, Мінск . З 14 па 16 верасня на завяршальным этапе вучэбнага збору тэрытарыяльных войскаў Чэрвеньскага і Бярэзінскага раёнаў Мінскай вобласці пад кіраўніцтвам намесніка старшыні аблвыканкама пройдзе камандна-штабное вучэнне. Аб гэтым БЕЛТА расказалі ў Міністэрстве абароны.
Мэта вучэння — удасканальваць навыкі афіцэраў па кіраўніцтве падпарадкаванымі сіламі тэрытарыяльнай абароны, абучыць асабовы склад зладжаным дзеянням пры вырашэнні ўскладзеных на іх задач.
«Асаблівая ўвага будзе ўдзелена ўзаемадзеянню тэрытарыяльных войскаў з органамі ўнутраных спраў, падраздзяленнямі ўнутраных войскаў, а таксама атрадамі народнага апалчэння ў ходзе аховы важных аб’ектаў, забеспячэння ваеннага становішча і барацьбы з дыверсійнымі групамі праціўніка», — дадалі ў Мінабароны.
