Мінскі міжнародны кінафестываль «Лістапад» пройдзе з 30 кастрычніка па 6 лістапада
Фота з архіва 6 красавіка, Мінск /БЕЛТА/. XXХII Мінскі міжнародны кінафестываль «Лістапад» пройдзе з 30 кастрычніка па 6 лістапада 2026 года, паведамілі БЕЛТА ў Міністэрстве культуры.
Рашэннем арганізацыйнага камітэта ўзгоднены рэгламент кінафестывалю. Кінафестываль будзе ўключаць у сябе 8 конкурсных паказаў і шматлікія пазаконкурсныя мерапрыемствы.
Прыём заявак для ўдзелу ў конкурсных паказах пачынаецца з 10 красавіка і прадоўжыцца да 31 ліпеня 2026 года.
Парадак і ўмовы ўдзелу можна даведацца на сайце Міністэрства культуры.
