Мінсельгасхарч скарэкціраваў гранічныя мінімальныя цэны на шэраг экспартуемых тавараў
Фота з архіва 21 лютага, Мінск . Міністэрства сельскай гаспадаркі і харчавання ўстанавіла гранічныя мінімальныя цэны на шэраг тавараў, што рэалізуюцца па знешнегандлёвых дагаворах. Гэта вынікае з пастановы Міністэрства сельскай гаспадаркі і харчавання ад 20 лютага 2026 года нумар 14, апублікаванай на Нацыянальным прававым інтэрнэт-партале, .
Пералік уключае свежыя, ахалоджаныя, замарожаныя тушы і паўтушы буйной рагатай жывёлы, малако і вяршкі, у тым ліку згушчаныя, з дабаўленнем і без дабаўлення цукру, сметанковае масла з колькасцю малочнага тлушчу 80 працэнтаў і больш, а таксама шэраг іншых тавараў. Поўны пералік прыведзены ў дадатку пастановы.
Прызнана страціўшай сілу пастанова ведамства ад 30 стузеня 2026 года нумар 12 «Аб устанаўленні гранічных мінімальных цэн».
Дагаворы, якія заключаны да ўступлення ў сілу пастановы ад 20 лютага і не спынілі сваё дзеянне, падлягаюць прывядзенню ў адпаведнасць з нормамі гэтай пастановы, за выключэннем выпадкаў, калі аплата зроблена ў поўным аб’ёме, праведзена адгрузка тавараў поўнасцю або часткова (у частцы аплаты фактычна адгружаных тавараў).
Пастанова ўступае ў сілу з 23 лютага 2026 года.
