МАЗ пашырыў тавараправодную сетку па рэалізацыі запчастак у Беларусі
26 красавіка, Мінск . Мінскі аўтамабільны завод пашырае тавараправодную сетку па рэалізацыі запчастак у Беларусі. Аб гэтым паведамілі ў прэс-службе прадпрыемства.
Мінскі аўтазавод падпісаў дылерскае пагадненне з экспартна-вытворчым РУП «Беллесэкспарт», што ўваходзіць у сістэму Міністэрства лясной гаспадаркі і прадстаўляе інтарэсы 98 падведамных арганізацый лясной галіны.
Больш за тысячу машын вытворчасці МАЗ, якія ўжо эксплуатуюцца ў галіне, цяпер будуць забяспечаны арыгінальнымі і якаснымі запаснымі часткамі для бесперабойнай работы, заўважылі ў прэс-службе.
