Маладзёжная каманда «МІНСКА» выйграла трэці тур спаборніцтваў «MEGA Баскет 3х3»
Фота з архіва 1 снежня, Мінск . Маладзёжная каманда «МІНСКА» выйграла трэці тур спаборніцтваў «MEGA Баскет 3х3» у Маскве,
У вырашальным паядынку маладзёжных спаборніцтваў мінчане ва ўпартай барацьбе перамаглі расійскі AlfaRocketTeam з перавагай два балы — 19:17. На шляху да фіналу беларускія баскетбалісты перамаглі на папярэднім этапе «Хімкі» — 19:16 і «АБК ББ» — 15:13, але ўступілі AlfaRocketTeam — 14:19. У паўфінале быў абыграны TAKESHOT — 19:14. У складзе пераможцаў пад кіраўніцтвам Яна Марыніна выступалі Арсеній Вяржбіцкі, Іван Балдуеў, Аляксей Шаўчэнка, Ілья Языковіч і Валянцін Шаркоў. Асноўная каманда БК «МІНСК» у сваім турніры заняла чацвёртае месца, уступіўшы ў паядынку за бронзавыя ўзнагароды маскоўскаму «Аўтадору» з лікам 14:21.
Фінальны этап спаборніцтваў «MEGA Баскет 3х3» адбудзецца 20-21 снежня ў Маскве. А да гэтага, 12-13 снежня, у Калузе беларускія каманды прымуць удзел у суперфінале Адзінай кантынентальнай лігі 3х3. Разам з беларусамі там згуляюць баскетбалісты з ЗША, Бельгіі, Бразіліі, Узбекістана, Сербіі, Расіі і іншых краін.
