Лукашэнка накіраваў спачуванне ў сувязі са смерцю Каталікоса-Патрыярха ўсяе Грузіі Іліі II
18 сакавіка, Мінск . Прэзідэнт Беларусі Аляксандр Лукашэнка накіраваў спачуванне Прэзідэнту Грузіі Міхаілу Кавелашвілі ў сувязі са смерцю Каталікоса-Патрыярха ўсяе Грузіі Іліі ІІ. Аб гэтым паведамілі ў прэс-службе беларускага лідара.
Кіраўнік дзяржавы падкрэсліў, што ў Беларусі з пачуццём глыбокага смутку ўспрынялі вестку аб смерці гэтага выдатнага грузінскага рэлігійнага і грамадскага дзеяча.
«Яго Святасць і Блажэнства Ілія II усё жыццё прысвяціў высокім ідэалам, служачы не толькі свайму народу, але і ўсяму чалавецтву. Праз ініцыятывы, накіраваныя на ўмацаванне міру, бяспекі, дружбы і міжрэлігійнага ўзаемаразумення, Патрыярх заваяваў асаблівае месца ў сэрцах мільёнаў людзей незалежна ад іх нацыянальнай або рэлігійнай прыналежнасці, — гаворыцца ў спачуванні. — Шматгадовае служэнне Яго Святасці Іліі II умацавала Грузінскую праваслаўную царкву, садзейнічала аднаўленню і адкрыццю соцень храмаў і манастыроў».
Аляксандр Лукашэнка таксама выказаў шчырыя спачуванні Грузінскай праваслаўнай царкве і ўсяму народу Грузіі. «Светлая памяць выдатнаму духоўнаму дзеячу, які пакінуў глыбокі след у гісторыі сваёй краіны і праваслаўнага свету», — адзначыў ён.
