Лукашэнка: аграрыі Віцебскай вобласці ў гэтым годзе вырасцілі і ўбралі дастойны ўраджай
17 кастрычніка, Мінск . Прэзідэнт Беларусі Аляксандр Лукашэнка павіншаваў удзельнікаў і гасцей абласнога фестывалю-кірмашу «Дажынкі-2026» у Мёрах. Аб гэтым паведамілі ў прэс-службе беларускага лідара.
Кіраўнік дзяржавы адзначыў, што ў гэтым годзе аграрыі Віцебскай вобласці вырасцілі і ўбралі дастойны ўраджай усіх сельскагаспадарчых культур, а іх уклад у рэспубліканскі каравай склаў амаль мільён тон збожжавых і зернебабовых. Упершыню ў гісторыі вобласці валавы збор алейнага семя рапсу склаў каля 150 тыс.т.
«Гэтыя дасягненні аграрнага сектара рэгіёна — вынік сумеснай працы спецыялістаў сельскагаспадарчых прадпрыемстваў, перапрацоўчых і абслуговых арганізацый, кіраўнікоў, вучоных, ветэранаў галіны, моладзі, а таксама тых, хто ў час гарачай пары сеў за штурвал камбайнаў і трактароў, каб дапамагчы сялянам», — гаворыцца ў віншаванні. Аляксандр Лукашэнка падзякаваў усім за руплівасць і адданасць зямлі-карміцельцы.
«Упэўнены, што і ў далейшым асабістая адказнасць за кожны каласок, навуковы падыход, выканальніцкая дысцыпліна і надзейная тэхніка дапамогуць дасягаць высокіх паказчыкаў па ўсіх ключавых напрамках», — падкрэсліў беларускі лідар.
Прэзідэнт пажадаў аграрыям Віцебскай вобласці моцнага здароўя, мірнага неба, выдатнага настрою і новых працоўных перамог на карысць роднай Беларусі.
Віншаванне Прэзідэнта Беларусі ўдзельнікам і гасцям абласнога фестывалю-кірмашу «Дажынкі-2026» у Мёрах
Удзельнікам і гасцям абласнога фестывалю-кірмашу «Дажынкі-2026» у г.Мёры
Дарагія сябры!
Прыміце самыя шчырыя віншаванні з завяршэннем жніва і святам «Дажынкі-2026».
Сёлета аграрыі Віцебшчыны вырасцілі і ўбралі дастойны ўраджай усіх сельскагаспадарчых культур. Ваш уклад у рэспубліканскі каравай — амаль мільён тон збожжавых і зернебабовых. Упершыню ў гісторыі вобласці валавы збор алейнага семя рапсу склаў каля 150 тысяч тон.
Гэтыя дасягненні аграрнага сектара рэгіёна — вынік сумеснай працы спецыялістаў сельскагаспадарчых прадпрыемстваў, перапрацоўчых і абслуговых арганізацый, кіраўнікоў, вучоных, ветэранаў галіны, моладзі, а таксама тых, хто ў час гарачай пары сеў за штурвал камбайнаў і трактароў, каб дапамагчы сялянам.
Дзякуй за руплівасць і адданасць зямлі-карміцельцы.
Упэўнены, што і ў далейшым асабістая адказнасць за кожны каласок, навуковы падыход, выканальніцкая дысцыпліна і надзейная тэхніка дапамогуць дасягаць высокіх паказчыкаў па ўсіх ключавых напрамках.
Жадаю моцнага здароўя, мірнага неба, выдатнага настрою і новых працоўных перамог на карысць роднай Беларусі.
Аляксандр Лукашэнка,
17 кастрычніка 2026 года.
