Лукашэнка абмеркаваў з Турчыным будучы візіт урадавай дэлегацыі ў Расію
Аляксандр Лукашэнка і Аляксандр Турчын 4 красавіка, Мінск . Прэзідэнт Беларусі Аляксандр Лукашэнка 4 красавіка прыняў з дакладам прэм’ер-міністра Аляксандра Турчына,
«Наконт візіту ў Расію. Каранкевіч (намеснік прэм’ер-міністра Віктар Каранкевіч. — Заўвага ) прысутнічаў на перагаворах. Ён быў галоўнай асобай ад урада, выкладаў падыходы, пытанні ставіў, якія трэба было б вырашыць з Расіяй. Трэба аддаць належнае, Прэзідэнт Пуцін падтрымаў нас па ўсіх пытаннях, пачынаючы з фінансавых і заканчваючы цэнаўтварэннем на нафту і гэтак далей. Размова ішла аб тым, каб мы адрэгулявалі цану па пастаўках расійскай нафты, каб нашы прадпрыемствы працавалі. Не трэба там шалёная рэнтабельнасць. 7-8 працэнтаў і гэтак далей», — сказаў Аляксандр Лукашэнка. 
Паводле слоў Прэзідэнта, Уладзімір Пуцін ужо даў адпаведныя даручэнні кіраўніку кампаніі «Раснафта» Ігару Сечыну.
«Я гэта гавару да таго, што ўсе гэтыя пытанні вядомы. Яны былі падтрыманы на перагаворах. І ў час візіту трэба папрасіць ва ўрада Расіі, каб гэтыя пытанні былі вырашаны канчаткова, таму што там былі даручэнні ўраду Расіі зрабіць то-та, то-та, то-та, каб яны былі вырашаны», — падкрэсліў кіраўнік дзяржавы.
«І шэраг стратэгічных пытанняў, па якіх прымалася рашэнне. Трэба паглядзець, як мы выконваем. Калі ёсць нейкія недахопы з нашага ці расійскага боку, каб гэта было адзначана. Нешта мы разгледзім на Вышэйшым дзяржсавеце Саюзнай дзяржавы, калі гэта трэба. Але лепш гэта вырашыць на ўзроўні двух урадаў, — сказаў Аляксандр Лукашэнка. — Таму вось гэта пытанне расійскае, якое будзе вельмі важным у ходзе гэтага візіту, трэба вырашыць, не зацягваючы і не адкладаючы на доўгі час. Таму што рашэнні ўсе прыняты, але ў нас часта бывае «адклалі, заўтра вырашым». Ужо часу няма, каб іх адкладаць». 
Аляксандр Турчын праінфармаваў Прэзідэнта аб тэлефоннай размове з расійскім калегам Міхаілам Мішусціным. «Дзякуй расійскім калегам, даволі прадстаўнічая каманда з боку расійскага ўрада будзе. Мы павінны абмеркаваць усе ключавыя пытанні ўзаемаадносін, напрамкі. Думаю, што разуменне ёсць. Дзякуй, што падтрымалі нашу каманду перагаворшчыкаў, усе сур’ёзна паглыблены, тэмы зразумелыя, вядомыя», — адзначыў прэм’ер-міністр.
Пасля сустрэчы з кіраўніком дзяржавы Аляксандр Турчын расказаў журналістам, што далажыў Прэзідэнту аб парадку дня будучых перагавораў. Паводле яго слоў, Аляксандр Лукашэнка яшчэ раз акцэнтаваў увагу на неабходнасці рэалізаваць ужо дасягнутыя на вышэйшым узроўні дамоўленасці.
«Наш парадак дня на працягу шэрага гадоў мае ўстойлівую структуру. Гэта пытанні адзінага рынку энерганосьбітаў, адзінай прамысловай палітыкі, іншага ўзаемадзеяння. Узаемадзеянне з нашымі расійскімі калегамі знаходзіцца на вельмі высокім узроўні. Рашэнні нашых прэзідэнтаў, вядома, павінны быць рэалізаваны, прычым у найкарацейшыя тэрміны», — падкрэсліў прэм’ер-міністр.
Як паведамлялася, афіцыйны візіт прэм’ер-міністра Аляксандра Турчына ў Расію адбудзецца 7 красавіка.
