Лыжнік Свірыдзенка заваяваў серабро Паралімпіяды ў індывідуальнай гонцы на 10 км
Раман Свірыдзенка. Фота Мінспорту 11 сакавіка, Мінск . Беларус Раман Свірыдзенка выйграў другі асабісты медаль у лыжных гонках на XIV Зімовых Паралімпійскіх гульнях у Італіі,
Наш спартсмен стаў прызёрам у гонцы з раздзельнага старту на 10 кіламетраў класічным стылем у класах LW2 — LW9 (стаячыя атлеты з пашкоджаннямі канечнасцей). На фінішы Свірыдзенка спыніў секундамер на адзнацы 27 мін 38,4 сек, гэты рэзультат прынёс яму серабро. Амаль на паўмінуты графік беларуса апярэдзіў француз Карл Табурэ, бронзу ўзяў канадзец Марк Арэндз, які ўступіў Раману 25 секунд. На старт выйшлі 25 чалавек.
Напярэдадні Свірыдзенка заваяваў золата Паралімпіяды ў класічным спрынце. Раней 11 сакавіка ў індывідуальнай гонцы ў дзяўчат у гэтым жа разрадзе наша Дар’я Фядзьковіч замкнула дзясятку лепшых. У класах LW10 — LW12 (сядзячыя атлеты) беларускі Лідзія Лобан і Валянціна Бірыла занялі 11-е і 14-е месцы адпаведна, у аўторак абедзве спартсменкі дайшлі да паўфіналу ў спрынце.
Усяго ўдзел у XIV Зімовых Паралімпійскіх гульнях у Італіі прымаюць больш як 600 атлетаў з 55 краін. Наперадзе ў лыжнікаў два дні адпачынку. У суботу на трасе ў Тэзера адбудуцца эстафеты, праграму спаборніцтваў 15 сакавіка завершаць гонкі з раздзельнага старту на 20 км свабодным стылем.
