Латвія патраціць 45 млн еўра на ўмацаванне граніцы з Расіяй і Беларуссю
Фота pixabay 25 сакавіка, Мінск /Кар. БЕЛТА/. Латвія мае намер патраціць 45 млн еўра на ўмацаванне граніцы з Расіяй і Беларуссю, паведамляе Baltnews.
У Мінабароны Латвіі заявілі аб планах закупіць процімабільныя загароды, датчыкі, артылерыйскія сістэмы, сродкі размініравання. Таксама грошы пойдуць на аказанне падтрымкі Дзяржаўнай пагранічнай ахове.
Акрамя таго, ва ўсходняй частцы Відзэмэ плануюць пабудаваць склады інжынерных рэсурсаў і прадоўжыць закупку будаўнічых матэрыялаў для процімабільных збудаванняў у мясцовых прадпрымальнікаў. Адзначаецца, што план умацавання ўсходняй граніцы з’яўляецца часткай стварэння Балтыйскай лініі абароны, якая прадугледжвае інвесціраванне 303 млн еўра ва ўмацаванне граніцы на працягу пяці гадоў.-0-
