Квартальнаў пра першую перамогу ў плэй-оф: дапамаглі дысцыпліна і гульня ў большасці
Дзмітрый Квартальнаў 25 сакавіка, Мінск . Галоўны трэнер мінскага «Дынама» Дзмітрый Квартальнаў і капітан каманды Андрэй Стась падвялі вынікі дэбютнага матчу серыі з маскоўскім «Дынама» ў першым раўндзе плэй-оф КХЛ, паведамілі БЕЛТА ў прэс-службе сталічнага клуба.
Стартавая гульня серыі да чатырох перамог прайшла на «Мінск-Арэне» і завяршылася вікторыяй «зуброў» з лікам 3:1. Па шайбе за мінчан закінулі Ягор Борыкаў, Дарэн Дзіц і Андрэй Стась, а Вадзім Шыпачоў аддаў дзве галявыя перадачы.
«Нам процістаяла добрая каманда. Добра, што дысцыплінавана згулялі і перамаглі. У трэцім перыядзе спрацавала большасць. Вялі 3:0, маглі гуляць па ліку, але крызу адышлі ад плана. Трэба было згуляць у сярэдняй зоне крыху больш агрэсіўна. У канцоўцы нам давялося няпроста», — адзначыў Квартальнаў.
«Мы добра пачалі гульню. Вялікі дзякуй балельшчыкам, пры такой падтрымцы немагчыма было пачаць па-іншаму. Спачатку не маглі рэалізаваць большасць, былі добрыя моманты, але шайба не ішла ў вароты. Потым змянілі сітуацыю, забілі патрэбны гол і сталі дзейнічаць у тым жа рэчышчы», — сказаў Стась.
Другая сустрэча дынамаўскага дэрбі адбудзецца 26 сакавіка таксама ў Мінску. Далей каманды пераедуць у Маскву, дзе згуляюць 28 і 30 сакавіка.
У рэгулярным чэмпіянаце «зубры» занялі другое месца на Захадзе, масквічы фінішавалі сёмымі.
