Канькабежцы Дамарацкая і Галавацюк сталі лепшымі на чэмпіянаце Расіі ў спрынтарскім мнагабор’і
Фота sportpanorama.by 30 студзеня, Мінск . Беларусы Ганна Дамарацкая і Ігнат Галавацюк паказалі лепшыя вынікі на чэмпіянаце Расіі па канькабежным спорце ў спрынтарскім мнагабор’і ў Іркуцку, паведамілі БЕЛТА ў прэс-службе НАК.
Спрынтары спаборнічалі 29 і 30 студзеня, па два разы выступіўшы на дыстанцыях 500 і 1000 м. У агульнай колькасці за чатыры забегі Ганна Дамарацкая набрала 156 балаў і заняла першае месца, амаль на два ачкі абышоўшы прызёра Алімпійскіх гульняў масквічку Ангеліну Голікаву.
У хлопцаў лепшы вынік у падагульняючай табліцы паказаў наш Ігнат Галавацюк, які апярэдзіў Віктара Муштакова з Алтайскага края. Акрамя таго, беларус устанавіў рэкорд іркуцкага катка «Байкал» на дыстанцыі 1000 м (1 мін 09,28 сек).
