Жлобінскі «Металург» на сваім лёдзе быў мацнейшы за «Гомель»
Фота з архіва 18 лістапада, Мінск . Палескае дэрбі «Металурга» і «Гомеля» завяршыла праграму 25-га тура ў рэгулярным чэмпіянаце беларускай хакейнай экстралігі сезона 2025/26,
Сустрэча прынцыповых сапернікаў адбылася ў Жлобіне. На шостай хвіліне матчу лік адкрыў гамяльчанін Данііл Сабко, незадоўга да перапынку лічбы зраўнаваў Юрый Верамеенка. У пачатку другога перыяду Іван Мурашоў вывеў «Металург» наперад, але ўсяго праз дзве хвіліны «Гомель» адыграўся намаганнямі Кірыла Бовіна. У канцы заключнай трэці перамогу гаспадарам з лікам 3:2 прынёс Сяргей Бейзак, жлобінскі клуб перапыніў серыю з трох няўдач. 19 лістапада каманды зноў згуляюць на дамашняй пляцоўцы «Металурга».
Таксама ў панядзелак «Юнацтва» дзякуючы дублю Аляксандра Кулагіна на сваім лёдзе разабралася з «Магілёвам» (4:1), а «Лакаматыў» быў мацнейшы за «Нёман» (4:2), хет-трык за аршанцаў аформіў Ілья Рычкоў. 18 лістапада матчы экстралігі прымуць Ліда, Маладзечна, Баранавічы і Смаленск.
