Жаночая каманда ХК «Мінск» стала другой на Кубку Расіі па хакеі на траве
Фота з архіва 30 красавіка, Мінск . Жаночая каманда хакейнага клуба «Мінск» стала прызёрам Кубка Расіі па хакеі на траве 2025 года, які прайшоў у Казані,
Удзел у турніры сярод дзяўчат прынялі шэсць каманд. На групавым этапе беларускі абыгралі зборную Санкт-Пецярбурга (6:0) і ўступілі «Дынама-Электрасталі» (1:4), выйшаўшы ў плэй-оф з другога месца. У паўфінале нашы хакеісткі былі мацнейшымі за маскоўскі «Усход» (2:1), але ў фінале зноў не справіліся з прадстаўніцамі Электрасталі (3:4). У выніку сталі другімі, варатар «Мінска» Юлія Прыемка была прызнана лепшым галкіперам спаборніцтваў, а Хрысціна Папкова названа лепшым паўабаронцам.
Паралельна ў Казані адбыўся Кубак Расіі сярод мужчынскіх каманд, дзе выступілі ХК «Мінск» і брэсці «Будаўнік». Абодва беларускія клубы занялі ў сваіх групах трэція месцы, пацярпеўшы па два паражэнні, хакеісты са сталіцы абыгралі зборную Санкт-Пецярбурга ў серыі булітаў. У выніку мінчане і брастаўчане сустрэліся ў паядынку за пятае месца, дзе перамогу атрымаў сталічны клуб — 4:3. Уладальнікам трафея ў мужчын таксама стала «Дынама-Электрасталь».
