Якія абмежаванні для арэндных электрасамакатаў уведзены ў Мінску
У Мінску зменены абмежаванні па выкарыстанні арэндных сродкаў персанальнай мабільнасці (СПМ)*. Меры прыняты для гарантавання бяспекі іх карыстальнікаў, бяспекі руху.
Абмежаванне скорасці:
у межах першага кальца — да 15 км/гадз,
у межах другога — да 17 км/гадз,
на астатняй тэрыторыі ў межах МКАД — да 20 км/гадз.
Вызначаны 200 участкаў**, дзе скорасць перамяшчэння абмежавана да 7 км/гадз.
Да зон забароны для перамяшчэння на СПМ адносяцца:
установы адукацыі,
паркі, скверы,
станцыі метрапалітэна,
некаторыя ўчасткі вулічна-дарожнай сеткі,
знакавыя месцы.
Колькасць арэндных электрасамакатаў у Мінску:
2023 г. — каля 7,5 тыс.,
2025 г. — 14,5 тыс.
Больш за 90% паездак на электрасамакатах з’яўляюцца транспартнымі (у мэтах перамяшчэння), а не забаўляльнымі. Сярэдняя паездка — 1,5 км.
Амаль 40% жыхароў сталіцы ў 2024 годзе хаця б раз скарысталіся арэндным электрасамакатам. Колькасць паездак — больш за 6,5 млн за сезон.
Арэнда электрасамакатаў дазволена толькі з 18 гадоў!
За апошні год колькасць ДТЗ з удзелам СПМ вырасла ў 1,8 раза, з удзелам арэндных СПМ — у 3,8 раза.
Для даведкі
З 2023 г. па рашэнні Мінгарвыканкама рэалізуецца пілотны праект па кіраванні бяспекай дарожнага руху пры ажыццяўленні камерцыйнай дзейнасці па пракаце СПМ.
У красавіку 2025 г. у рашэнне ўнесены змяненні ў правілы карыстання пракатнымі СПМ.
*Пракатнымі сродкамі персанальнай мабільнасці ў Мінску ў асноўным з’яўляюцца электрасамакаты.
**Участкі выбраны па выніках аналізу аварыйнасці за апошнія тры гады з улікам інтэнсіўнасці руху.
Крыніца: Мінгарвыканкам, УДАІ ГУУС Мінгарвыканкама.
