Футбалісты Іарданіі прайгралі ў дэбютным матчы на сусветным першынстве
Фота РІА Навіны 17 чэрвеня, Мінск . Футбалісты Іарданіі пацярпелі паражэнне ў сваім дэбютным паядынку на чэмпіянаце свету,
У матчы папярэдняй групы J іарданцы як роўныя змагаліся са зборнай Аўстрыі, але ў выніку ўсё ж пацярпелі паражэнне з лікам 1:3. У сярэдзіне першага тайма паўабаронца аўстрыйцаў Рамана Шмід адкрыў лік, адразу пасля перапынку нападаючы іарданскай каманды Алі Олван аднавіў парытэт, на 76-й мінуце гульні абаронца Язан Аль-Араб адправіў мяч у свае вароты, а на 12-й капменсаванай мінуце Марка Арнаутавіч з пенальці ўстанавіў канчатковы рэзультат. У першай гульні гэтага квартэта дзеючыя чэмпіёны планеты футбалісты Аргенціны ўпэўнена абыгралі алжырцаў — 3:0. Усе галы ў гэтай сустрэчы забіў Ліянэль Месі, тройчы паразіўшы вароты Люкі Зідана — сына легендарнага Зінедзіна Зідана. Месі правёў 200-ы паядынак у складзе нацыянальнай зборнай, шосты раз згуляўшы на планетарным футбольным форуме.
Лідар зборнай Партугаліі Крышціяну Раналду таксама шосты раз прыме ўдзел у чэмпіянаце свету. Сёння ў матчы квартэта К партугальцы сустрэнуцца з камандай ДР Конга.
