На палігоне Брэсцкі стартаваў рэспубліканскі фінал «Зарнічкі»
Фота «Ваяр» Навіны сюжэта «Маладзёжная палітыка Беларусі » Пра мову, культуру і традыцыі. Якія навучальныя гульні стварылі ўдзельнікі конкурсу «ПРАБеларусь» З’яднаць удзельнікаў на аснове стваральнай памяці. Лук’янаў аб прызначэнні «Поезда памяці» 10 чэрвеня, Мінск . На палігоне Брэсцкі стартаваў рэспубліканскі фінал ваенна-патрыятычнай гульні «Зарнічка». Аб гэтым БЕЛТА паведамілі ў прэс-службе Міністэрства абароны.
За перамогу змагаюцца 70 вучняў малодшых класаў у складзе сямі каманд з усёй Беларусі. У праграме — уладкаванне палатачнага лагера, страявы конкурс, інтэлектуальная віктарына, паласа перашкод, ваенна-тактычная гульня лазертаг і майстар-класы.
Вынікі «Зарнічкі» падвядуць 12 чэрвеня ў Брэсцкай крэпасці. Там удзельнікі перададуць эстафету старэйшым таварышам — удзельнікам гульні «Зарніца», якая пройдзе з 12 па 14 чэрвеня. Затым яе прымуць дзеці, якія выступаюць у гульні «Арляня», што запланавана з 14 па 16 чэрвеня.
«У гэтым годзе тры ваенна-патрыятычныя гульні ўпершыню аб’яднаны ў адзіны цыкл. Удзел у іх прымуць амаль 200 дзяцей і падлеткаў з усёй Беларусі, а таксама каманды з Расіі», — падкрэслілі ў Мінабароны.
