Каля 37 тыс. замежных студэнтаў атрымліваюць вышэйшую адукацыю ў Беларусі
Фота Віцебскага дзяржаўнага ордэна Дружбы народаў медыцынскага ўніверсітэта Навіны сюжэта «Праект «Краіна гаворыць»» Колькі беларусаў сёлета будуць забяспечаны бясплатнымі і льготнымі пуцёўкамі ў санаторыі Мінадукацыі: у ВНУ больш за ўсё бюджэтных месцаў выдзелена на інжынерныя спецыяльнасці 31 мая, Мінск . У Беларусі вышэйшую адукацыю атрымліваюць каля 37 тыс. замежных студэнтаў. Аб гэтым расказаў начальнік галоўнага ўпраўлення прафесійнай адукацыі Міністэрства адукацыі Сяргей Пішчоў у праекце БЕЛТА «Краіна гаворыць».
Колькасць замежных грамадзян, якія паступаюць штогод у беларускія ВНУ, фарміруецца з улікам іх інтарэсаў і патрэбнасцей. «Калі гаварыць агульную лічбу, то ў нас на сённяшні дзень навучаецца каля 37 тыс. замежных грамадзян па ўсіх узроўнях адукацыі з больш як 110 краін. Гэта пацвярджае запатрабаванасць і прывабнасць атрымання прафесійнай адукацыі ў нашай краіне. Гэта пацвярджае якасць адукацыі, якую даюць нашы ўстановы вышэйшай адукацыі», — расказаў Сяргей Пішчоў.
Калі адзначаць тыя краіны, колькасць абітурыентаў з якіх найбольшая, — гэта Кітайская Народная Рэспубліка. «Прыязджаюць таксама з Афрыканскага рэгіёна, краін Азіі, Расійскай Федэрацыі. Развіццё экспартных паказчыкаў, якія выконваюць нашы ўніверсітэты, сапраўды пацвярджае запатрабаванасць вышэйшай адукацыі сярод замежных грамадзян», — заўважыў ён.
Пры гэтым у абітурыентаў з Расійскай Федэрацыі і ў моладзі з іншых краін СНД ёсць магчымасць паступаць у Беларусі на бюджэтныя і на платныя месцы. «Менавіта грамадзяне Расійскай Федэрацыі маюць магчымасць паступіць на аднолькавых умовах з грамадзянамі Рэспублікі Беларусь, з нашымі абітурыентамі. Для гэтага ім неабходна своечасова здаць цэнтралізаванае тэсціраванне на тых жа роўных умовах, каб у далейшым прыняць удзел у агульным конкурсе на любую спецыяльнасць. Апошнія гады існуе магчымасць паступлення грамадзян Расійскай Федэрацыі па выніках адзінага дзяржаўнага экзамену, які яны здаюць у Расійскай Федэрацыі. Каля 850 бюджэтных месцаў выдзелена для такой траекторыі: па 131 спецыяльнасці 30 універсітэтаў гатовы прыняць па пэўным пераліку, які таксама зацверджаны ў пастанове Міністэрства адукацыі. У выпадку, калі гэтыя месцы застануцца незапоўненымі, то яны аўтаматычна таксама пераходзяць на агульны конкурс для грамадзян Рэспублікі Беларусь», — расказаў Сяргей Пішчоў.
*Праект створаны за кошт сродкаў мэтавага збору на вытворчасць нацыянальнага кантэнту
