Ермаловіч расказаў пра перспектывы выкарыстання ШІ ў рабоце антыманапольных органаў ЕАЭС
26 чэрвеня, Мінск . Дынамічнае развіццё лічбавай экасістэмы з’яўляецца не толькі пазітыўным змяненнем, але і пэўным выклікам для канкурэнтных органаў. Аб гэтым на панэльнай сесіі «Сучасная канкурэнтная палітыка: выклікі і песрпектывы» на палях Еўразійскага эканамічнага форуму заявіў член Калегіі (міністр) па канкурэнцыі і антыманапольным рэгуляванні Еўразійскай эканамічнай камісіі Максім Ермаловіч,
«Змяненне глабальнай архітэктуры сусветнага гандлю сутыкаецца з новымі, нябачанымі раней выклікамі. Гэта і пандэмія каранавіруса, якая ахапіла ўвесь свет, гэта і рэгіянальныя канфлікты, якія мы можам назіраць практычна на ўсім зямным шары, і глабальныя геапалітычныя працэсы. Адбываюцца рэальныя змяненні як у лепшы, так і ў горшы бок. Гэта, вядома, выклік для канкурэнцыі. Гэта вялікія выклікі канкурэнтным органам: як выбудоўваць сваю палітыку ў свеце, які дынамічна змяняецца, як адаптаваць сучасныя канкурэнтныя практыкі, каб адказваць на гэтыя выклікі», — сказаў Максім Ермаловіч.
У ліку пазітыўных змяненняў міністр назваў дынамічнае развіццё лічбавай экасістэмы гандлю, што, зрэшты, таксама з’яўляецца пэўным выклікам для канкурэнтных органаў. Развіваецца штучны інтэлект. «Мы ўжо цяпер ставім для сябе задачы, як працаваць з гэтымі новымі з’явамі, як навучаць штучны інтэлект, каб ён не пачаў фарміраваць картэлі, і як штучны інтэлект мог бы замяніць нас у антыманапольных органах. Гэта значна, як мне здаецца, знізіла б затраты на дзяржаўнае кіраванне. Тым не менш пакуль мы толькі ў пачатку шляху», — падкрэсліў ён.
Максім Ермаловіч прапанаваў правесці дыскусію, кіруючыся прынцыпам пераходу ад агульнага да прыватнага, і разгледзець у першую чаргу агульны погляд на сусветны гандаль і канкурэнцыю.
