Дзень маці
У Беларусі 14 кастрычніка адзначаецца Дзень маці і 21 кастрычніка — Дзень бацькі. Гэтыя святы паміж сабой аб’ядноўвае Тыдзень бацькоўскай любові.
Колькасць жанчын у краіне — амаль 4,05 млн*.
Сярэдні ўзрост маці:
пры нараджэнні дзіцяці — 30,5 года,
пры нараджэнні першынца — 27,6 года.
Сучасныя беларускія жанчыны паспяхова сумяшчаюць работу, сям’ю і выхаванне дзяцей:
48% занятых у эканоміцы жанчын маюць непаўналетніх дзяцей**,
сярод кіраўнікоў жанчыны складаюць 50,5% (з іх 47,4% маюць непаўналетніх дзяцей)**.
З 2019 года колькасць шматдзетных сем’яў у краіне павялічылася на 13,5% і складае больш за 120 тыс.
У рэспубліцы паспяхова функцыянуе рознаўзроўневая сістэма аховы здароўя маці і дзіцяці.
У Беларусі адзін з самых нізкіх паказчыкаў дзіцячай смяротнасці ў СНД і Еўропе.
Створаны ўсе ўмовы сацыяльнай падтрымкі сем’яў, якія выхоўваюць дзяцей:
11 відаў дапамог,
сямейны капітал,
меры падтрымкі пры будаўніцтве (рэканструкцыі) жылля,
працоўныя гарантыі і льготы,
гарантыі і льготы ў сферах адукацыі і аховы здароўя,
іншыя меры падтрымкі.
Уручэнне дзяржаўнай узнагароды ордэна Маці з’яўляецца пацвярджэннем прэстыжу мацярынства ў грамадстве. Ён уручаецца з 1996 года жанчынам, якія нарадзілі 5 і больш дзяцей — грамадзян Беларусі. Усяго ўзнагароджаны больш за 14 тыс. жанчын, з іх 458 — у 2025 годзе.
*Паводле даных на 1 студзеня 2025 года.
**Ва ўзросце 18-58 гадоў у 2024 годзе.
Крыніцы: Белстат, Мінпрацы, Міністэрства аховы здароўя.
