«Доказ моцных традыцый». Кіраўнік НАК павіншаваў Свірыдзенку з серабром Паралімпіяды
Скрыншот відэа 11 сакавіка, Мінск . Прэзідэнт НАК Беларусі Віктар Лукашэнка павіншаваў лыжніка Рамана Свірыдзенку з заваяваннем сярэбранага медаля на XIV зімовых Паралімпійскіх гульнях у Італіі, паведамілі БЕЛТА ў прэс-службе НАК.
У гонцы з раздзельнага старту на 10 км класічным стылем сярод стаячых атлетаў з пашкоджаннямі канечнасцей Свірыдзенка заняў другое месца з 25 удзельнікаў. Напярэдадні Раман выйграў золата ў класічным спрынце.
«Вы зноў здолелі прадэманстраваць усяму свету самы высокі ўзровень майстэрства, стойкасці і волі да перамогі. Другая ўзнагарода Паралімпіяды ў скарбонцы нашай зборнай праслаўляе Беларусь і служыць доказам моцных традыцый інваспорту ў нашай краіне», — падкрэсліў кіраўнік НАК.
Усяго XIV зімовыя Паралімпійскія гульні сабралі ў Італіі больш за 600 спартсменаў з 55 краін, нашу краіну таксама прадстаўляюць лыжніцы Лідзія Лобан, Валянціна Бірыла і Дар’я Фядзьковіч.
