Для інавацыйнага развіцця эканомікі. У Беларусі пашыраны план дзяржаўнай стандартызацыі
Фота з архіва 1 ліпеня, Мінск . У Беларусі скарэкціраваны план дзяржаўнай стандартызацыі на 2025 год, паведамілі у прэс-службе Дзяржстандарту.
Змяненні сфарміраваны на аснове прапаноў суб’ектаў тэхнічнага нарміравання і стандартызацыі. Дадаткова ўключана 78 тэм, з іх 26 прадугледжваюць распрацоўку новых дзяржаўных стандартаў, а таксама змяненняў у дзеючыя дакументы для забеспячэння інавацыйнага развіцця традыцыйных галін нацыянальнай эканомікі. Напрыклад, гэта стандарты на лесаматэрыялы, электратэхніку, будаўнічыя матэрыялы і канструкцыі, у сферы інфармацыйных тэхналогій, электрасувязі, турызму.
Астатнія 52 тэмы датычацца праверкі навукова-тэхнічнага ўзроўню стандартаў на адпаведнасць сучасным патрабаванням у сферы электрасувязі, бяспекі інфармацыйных тэхналогій, банкаўскай дзейнасці, будаўніцтва, энергазберажэння, паліва для рухавікоў унутранага згарання.
Акрамя таго, адкарэкціраваны асобныя тэмы, прадугледжаныя ў плане.
Азнаёміцца са змяненнем да плана дзяржаўнай стандартызацыі можна на сайце Дзяржстандарту ў раздзеле «Стандартызацыя/Праграмы работ».
