Беларусы сталі пераможцамі турніру развіцця УЕФА ў Мінску
18 красавіка, Мінск . Футбалісты юнацкай зборнай Беларусі (U-16) сталі пераможцамі турніру развіцця УЕФА, які завяршыўся ў Мінску, 
Сёння ў сваім заключным паядынку падапечныя Аляксея Міхайлава разграмілі равеснікаў з Кітая з сухім лікам 3:0. Усе мячы былі забіты ў другой палавіне сустрэчы — спачатку вызначыўся Марат Цітоў, а затым Уладзіслаў Варонін і Мацвей Чычын яшчэ двойчы трапілі ў вароты гасцей. У першы гульнявы дзень беларускія футбалісты ва ўпартай барацьбе ўступілі зборнай Казахстана — 2:3 (галы ў беларусаў забілі Анатоль Ястачкін і Яўген Несцярэнка), а ў другім туры абыгралі каманду Расіі з рэзультатам 2:1 (галы ў пераможцаў забілі Уладзіслаў Варонін і Цімафей Гудач). У другім сённяшнім матчы расіяне абыгралі казахстанскую каманду з лікам 2:0. 
Падагульняючае становішча каманд: Беларусь — 6 ачкоў, Расія — 6, Казахстан — 3, Кітай — 3.
Такія міжнародныя юнацкія турніры пад эгідай УЕФА праводзяцца з 2012 года ў рамках праграмы HatTrick. Беларусь упершыню прыняла такія спаборніцтвы ў 2013 годзе. Цяпер у турнірах прымаюць удзел юнакі і дзяўчаты з усіх 55 нацыянальных футбольных асацыяцый, якія ўваходзяць у Саюз еўрапейскіх футбольных асацыяцый. 
Фота Сяргея Шэлега
