«Беларускую вёску» адкрылі ў Санкт-Пецярбургу ў Дзень Незалежнасці Беларусі
Фота Пасольства Беларусі ў Расіі 3 ліпеня, Масква /Эдуард Півавар . «Беларускую вёску» адкрылі ў Санкт-Пецярбургу ў Дзень Незалежнасці Беларусі, паведамілі ў прэс-службе пасольства Беларусі ў Расіі.
«У Дзень Незалежнасці Рэспублікі Беларусь пасол у Расіі Аляксандр Рагожнік працуе ў Санкт-Пецярбургу. Разам з намеснікам міністра замежных спраў Паўлам Уцюпіным Аляксандр Рагожнік прыняў удзел ва ўрачыстым адкрыцці культурна-гастранамічнай прасторы «Беларуская вёска» ў гандлёва-забаўляльным комплексе «Піцэрлэнд», — сказалі ў прэс-службе.
У «Беларускай вёсцы» прадстаўлены вядучыя беларускія вытворцы малочнай, мясной і кандытарскай прадукцыі, традыцыйных далікатэсаў, вырабы з лёну і фарфору.
«Беларуская вёска» ў Піцеры — праект «Мінскага малочнага завода нумар 1″, які стаў мультыбрэндавым. З вядучымі беларускімі брэндамі працуе без пасрэднікаў. У сувязі з гэтым цэны і асартымент канкурэнтаздольныя», — дадалі ў дыпмісіі.
