Беларускія футбалісткі даведаліся пра саперніц у кваліфікацыі чэмпіянату свету 2027 года
Фота з архіва 4 лістапада, Мінск . У штаб-кватэры УЕФА ў швейцарскім Ньёне адбылася жараб’ёўка еўрапейскага адборачнага турніру жаночага чэмпіянату свету 2027 года,
Зборная Беларусі згуляе ў групе 6 лігі С. Саперніцамі каманды Вячаслава Грыгарава будуць футбалісткі Арменіі і Казахстана. Матчы еўрапейскай кваліфікацыі пройдуць з лютага па снежань 2026 года.
Ад Еўропы ў фінальнай стадыі сусветнага чэмпіянату выступяць 11 каманд. Прамыя пуцёўкі атрымаюць пераможцы чатырох групы лігі А, а яшчэ 7 пропускаў будуць разыграны ў стыкавых паядынках, у якіх выступяць лепшыя каманды ліг В і С. Фінальны турнір дзясятага жаночага планетарнага футбольнага форуму пройдзе з 24 чэрвеня па 25 жніўня 2027 года ў Бразіліі. За чэмпіёнскі тытул паспаборнічаюць 32 каманды з усіх кантынентаў. Футбалісткі ЗША чатыры разы станавіліся чэмпіёнкамі свету, два тытулы ў зборнай Германіі, па разу перамагалі каманды Іспаніі, Нарвегіі і Японіі.
