Беларускі біятланіст Лобастаў стаў сёмым у спрынце на этапе Кубка Расіі
Мікіта Лобастаў. Фота БФБ 16 студзеня, Мінск . Мікіта Лобастаў увайшоў у дзясятку лепшых па выніках мужчынскага спрынту на трэцім этапе Кубка Расіі па біятлоне, які стартаваў у Дзёміне Яраслаўскай вобласці,
Удзел у мужчынскай спрынтарскай гонцы прынялі 92 біятланісты, у тым ліку 12 беларусаў. Лобастаў дапусціў адзін промах на двух агнявых рубяжах і паказаў на фінішы сёмы час. Пераможцу Аляксандру Логінаву з Цюменскай вобласці Мікіта ўступіў 27 секунд. У дваццатку мацнейшых таксама ўвайшлі нашы Максім Варабей і Павел Бялько, якія занялі 16-ю і 17-ю пазіцыі адпаведна.
Што датычыцца рэзультатаў іншых беларусаў, то Аляксандр Галяк размясціўся на 23-м радку, Сцяпан Данілаў стаў 28-м, Віталь Казачонак — 47-ы. У суботнюю гонку праследавання не трапілі Андрэй Гаўрош (61-е месца), Глеб Арлоўскі (64-е), Павел Мацуль (69-е), Канстанцін Бабураў (76-е), Аляксей Логвінаў (79-е) і Дзяніс Яромаў (83-е).
Жаночы спрынт стартуе сёння ў 14.00.
