Беларуская дэлегацыя на чале з Сергяенкам прыме ўдзел у форуме Саюзнай дзяржавы ў Валгаградзе
Фота з архіва 26 красавіка, Мінск . Беларуская парламенцкая дэлегацыя на чале са старшынёй Палаты прадстаўнікоў Ігарам Сергяенкам прыме ўдзел у міжнародным форуме Саюзнай дзяржавы «Вялікая спадчына — агульная будучыня», які пройдзе ў Валгаградзе (РФ) 28-29 красавіка. Аб гэтым БЕЛТА паведамілі ў прэс-службе Палаты прадстаўнікоў.
Асноўная мэта форуму — захаванне і абарона гістарычнай памяці аб падзеях Вялікай Айчыннай вайны.
У ходзе форуму запланаваны пленарнае пасяджэнне і дзве секцыі — «Захаванне і абарона агульнай гістарычнай памяці» і «Патрыятычнае выхаванне на аснове гістарычных ведаў», а таксама пасяджэнне Маладзёжнай палаты пры Парламенцкім сходзе і шэраг гісторыка-патрыятычных мерапрыемстваў, прысвечаных знамянальнай даце на Мамаевым кургане.
