Беларус Карнееў стаў фіналістам чэмпіянату Еўропы па акадэмічным веславанні
Фота з архіва 29 мая, Мінск . У балгарскім Плоўдзіве стартаваў чэмпіянат Еўропы па акадэмічным веславанні 2025 года з удзелам беларускіх спартсменаў,
Першым з нашых весляроў на старт выйшаў Мікіта Карнееў, які выступае ў мужчынскай адзіночцы лёгкай вагі. У паўфінальным заездзе беларус паказаў другі вынік (7 мін 03,94 сек), уступіўшы толькі турку і апярэдзіўшы спартсменаў з Азербайджана і Малдовы.
Фінал з удзелам Карнеева адбудзецца 31 мая, барацьбу за медалі Мікіта павядзе з прадстаўнікамі Фінляндыі, Турцыі, Германіі, Ірландыі і Нарвегіі. У мінулым годзе беларус стаў чэмпіёнам гульняў БРІКС і ўзяў серабро маладзёжнага чэмпіянату Еўропы.
Таксама нашу каманду на кантынентальным форуме ў Балгарыі прадставяць прызёр Алімпіяды 2024 года Яўген Залатой і паўфіналістка парыжскіх Гульняў Таццяна Клімовіч. Адборачныя заезды з беларускім удзелам адбудуцца ў дзённай праграме 29 мая.
