Беларусь і В’етнам дамовіліся аб правядзенні Дзён кіно
25 сакавіка, Мінск . Беларусь і В’етнам дамовіліся аб абмене Днямі кіно, са спасылкай на беларускую загранустанову ў Ханоі.
Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В’етнам Уладзімір Баравікоў ад імя Міністэрства культуры Беларусі сумесна з дырэктарам Дэпартамента кіно Міністэрства культуры, спорту і турызму Сацыялістычнай Рэспублікі В’етнам Данг Чан Кыонгам падпісаў міжведамасны пратакол аб арганізацыі Дзён беларускага кіно ў В’етнаме і Дзён в’етнамскага кіно ў Беларусі.
Мерапрыемства прайшло пад патранатам намесніка міністра культуры, спорту і турызму В’етнама Та Куанг Донга і ў прысутнасці нацыянальных і рэгіянальных СМІ.
У сваім прывітальным слове кіраўнік беларускай дыпламатычнай місіі падкрэсліў важнасць інтэнсіфікацыі на новым этапе стратэгічнага партнёрства паміж краінамі сумесных культурных мерапрыемстваў для развіцця народнай дыпламатыі, а таксама ўнікальнасць абменных Дзён кіно, якія пройдуць упершыню за ўсю гісторыю двухбаковых адносін.
