Беларусь і Алжыр абмеркавалі падрыхтоўку маючых адбыцца кантактаў на вышэйшым узроўні
Фота з архіва 13 лістапада, Мінск . Міністр замежных спраў Беларусі Максім Рыжанкоў прыняў копіі даверчых грамат Надзвычайнага і Паўнамоцнага Пасла Алжыра ў Расійскай Федэрацыі і Рэспубліцы Беларусь па сумяшчальніцтве Туфіка Джуамы. Аб гэтым паведамілі ў прэс-службе беларускага знешнепалітычнага ведамства.
Былі абмеркаваны актуальныя пытанні супрацоўніцтва паміж Беларуссю і Алжырам. Асаблівая ўвага ўдзелена падрыхтоўцы маючых адбыцца кантактаў на вышэйшым узроўні, уключаючы пашырэнне дагаворна-прававой базы, распрацоўку сумесных эканамічных праектаў, нарошчванне ўзаемнага тавараабароту і ўмацаванне сувязей паміж дзелавымі коламі, пашырэнне ўзаемадзеяння ў сферах аховы здароўя і адукацыі.
Бакі пацвердзілі гатоўнасць да далейшай сумеснай работы ў мэтах актывізацыі двухбаковых сувязей і абмяняліся віншаваннямі з нагоды 30-годдзя ўстанаўлення дыпламатычных адносін паміж Беларуссю і Алжырам, якое адзначалася 24 кастрычніка бягучага года. 
Туфік Джуама і Максім Рыжанкоў
