Авіяцыйная галіна. Вынікі 2025 года
Грамадзянская авіяцыя Беларусі адпавядае ўсім міжнародным патрабаванням да бяспекі палётаў, надзейнасці і якасці перавозак.
Пасажыраабарот на паветраным транспарце па выніках 2025 года павялічыўся на 11,2% да ўзроўню 2024 года.
Нацыянальная авіякампанія «Белавія» выконвала рэгулярныя рэйсы ў 23 аэрапорты 12 дзяржаў. Перавезена больш за 2 млн пасажыраў.
Рэйсы на рэгулярнай аснове ў Нацыянальны аэрапорт Мінск выконвалі 11 авіяперавозчыкаў.
З аэрапортаў абласных цэнтраў Беларусі выканана больш за 1,6 тыс. рэйсаў, якімі скарысталіся звыш 145 тыс. пасажыраў.
Нацыянальны аэрапорт Мінск стаў лаўрэатам Еўразійскай прэміі ў галіне транспарту і лагістыкі «Магістраль Awards — 2025″*.
Адбыўся першы ў гісторыі суверэннай Беларусі выпуск пілотаў грамадзянскай авіяцыі ў БДАА.
Для даведкі
Нацыянальная авіякампанія «Белавія» — буйнейшы авіяперавозчык Рэспублікі Беларусь. Створана 5 сакавіка 1996 года, з’яўляецца правадзейным членам Міжнароднай асацыяцыі паветранага транспарту (IATA).
* У прафесійным асяроддзі прэмію называюць «транспартным «Оскарам» — за высокі статус і шырокую геаграфію ўдзельнікаў. У 2025 годзе ў конкурсе прынялі ўдзел 100 кампаній і экспертаў з краін СНД, ЕАЭС, а таксама з Кітая, ААЭ і іншых краін.
Крыніцы: Міністэрства транспарту і камунікацый, «Белавія».
