Аднаўленне сектара Газа будзе каштаваць $70 млрд
Фота АР 14 кастрычніка, Мінск /Кар. БЕЛТА/. Аднаўленне сектара Газа запатрабуе затрат у памеры $70 млрд. Аб гэтым паведамілі ў ААН, інфармуе ТАСС.
«Згодна з аператыўнай ацэнкай урону і патрэбнасцей, праведзенай сумесна ААН, Еўрапейскім саюзам і Сусветным банкам, на аднаўленне Газы спатрэбіцца каля $70 млрд», — гаворыцца ў паведамленні.
Пры гэтым у ААН пакуль не змаглі ацаніць тэрміны, у якія аднаўленчыя работы ў анклаве могуць быць завершаны. Адзначаецца, што задача вышэйназваных арганізацый, акрамя вызначэння маштабу разбурэнняў, заключаецца ў тым, каб «расставіць прыярытэты адносна таго, якія раёны неабходна адбудаваць у першую чаргу і на чым засяродзіць намаганні».
«Магчыма, не ўсе тэрыторыі будуць адноўлены», — дадалі ў сусветнай арганізацыі.
Намеснік генеральнага сакратара ААН па міратворчых аперацыях Жан-П’ер Лакруа са свайго боку заявіў, што пакуль рана гаварыць аб адпраўцы міратворцаў ААН у сектар Газа. «Пакуль гаварыць у аб гэтым дачасна. Цяпер важна, што быў зроблены першы крок — дасягнута спыненне агню, адбыўся абмен заложнікамі і зняволенымі. Надзяёмся, што гэта захаваецца», — сказаў ён.
Паводле яго слоў, цяпер ідэя міжнароднай прысутнасці, у тым ліку пад мандатам Света Бяспекі ААН, застаецца на ўзроўні меркаванняў.
Падкрэсліваецца, што далейшыя рашэнні будуць залежаць ад ходу выканання пагадненняў і ўзгаднення дэталей паміж бакамі і міжнароднымі ўдзельнікамі. «Мы павінны паглядзець, ці будуць заключаны новыя пагадненні па розных аспектах, уключаючы той, які датычыцца міжнародных сіл», — дадаў Лакруа.
Напярэдадні ў егіпецкім Шарм-эш-Шэйху прайшоў саміт міру, які быў скліканы ў сувязі са спыненнем агню ў сектары Газа і вызваленнем заложнікаў, якіх там утрымлівалі. У ходзе пасяжджэння лідары Егіпта, ЗША, Катара і Турцыі падпісалі падагульняючае пагадненне аб спыненні агню ў палесцінскім анклаве.-0-
