Абрадавае багацце Масленіцы як патэнцыяльны кандыдат у спіс ЮНЕСКА
Фота з архіва 20 лютага, Мінск . Унікальныя абрады Масленіцы, уключаныя ў Спіс нематэрыяльных гісторыка-культурных каштоўнасцей Беларусі, з часам здольны прыцягнуць увагу на самым высокім міжнародным узроўні. Аб гэтым паведаміў старшы выкладчык кафедры рэжысуры БДУКіМ Кірыл Шык.
«Беларуская Масленіца мае ўсе шанцы быць уключанай у Спіс нематэрыяльнай культурнай спадчыны ЮНЕСКА. У першую чаргу таму, што Масленіца ў нас вельмі разнастайная. Ад рэгіёна да рэгіёна яна мае захаваныя асаблівасці, у тым ліку спецыфічныя абрады, такія як «Пахаванне дзеда» і «Чырачка», якія могуць прэтэндаваць на ўнясенне ў Спіс нематэрыяльнай культурнай спадчыны ЮНЕСКА, у выпадку падачы адпаведных дакументаў у гэту арганізацыю. Гэта будзе карысна для нашага турыстычнага патэнцыялу і папулярызацыі нашай краіны ў свеце», — сказаў Кірыл Шык.
Ён адзначыў, што гэтыя абрады ўнесены ў Спіс нематэрыяльных гісторыка-культурных каштоўнасцей Беларусі.
«У цэлым Масленіца — асаблівае свята для нашай культуры, якое можа паказаць нас на міжнароднай арэне», — рэзюмаваў старшы выкладчык кафедры рэжысуры БДУКМ.
