Абмежаванні на наведванне лясоў дзейнічаюць у 87 раёнах Беларусі
Фота з архіва 4 красавіка, Мінск . Міністэрства лясной гаспадаркі Беларусі ўвяло абмежаванні на наведванне лясоў у пяці абласцях рэспублікі. Гэта вынікае з інтэрактыўнай карты ведамства, .
Абмежаванні ўведзены на тэрыторыі ўсіх раёнаў Віцебскай і Гродзенскай абласцей.
У Мінскай вобласці можна свабодна хадзіць у лясы толькі Салігорскага і Любанскага раёнаў, усе астатнія абмежаваны для наведвання. У Брэсцкай вобласці пад абмежаваннямі таксама ўсе раёны, акрамя Лунінецкага.
У Магілёўскай вобласці абмежаванні ўведзены ў 12 раёнах — Бялыніцкім, Бабруйскім, Быхаўскім, Глускім, Горацкім, Дрыбінскім, Кіраўскім, Клічаўскім, Круглянскім, Магілёўскім, Асіповіцкім і Шклоўскім.
Абмежаваны для наведвання таксама лясы Жыткавіцкага і Акцябрскага раёнаў Гомельскай вобласці.
Аператыўна адсочваць даныя аб увядзенні мер абмежавальнага характару можна па размешчанай на афіцыйным сайце Мінлясгаса карце забарон і абмежаванняў на наведванне лясоў. Таксама інфармацыю можна ўдакладніць у мясцовых райвыканкамах і лесагаспадарчых установах. Інтэрактыўная карта абнаўляецца ў анлайн-рэжыме, таму перад наведваннем лясных масіваў варта азнаёміцца з актуальнай сітуацыяй.
