Беларусь і Расія абмеркавалі з Кітаем ініцыятыву па распрацоўцы Хартыі разнастайнасці ў XXI стагоддзі
Фота з архіва 14 ліпеня, Мінск . Пасол Беларусі ў Кітаі Аляксандр Чарвякоў сумесна з паслом Расіі ў Кітаі Ігарам Маргулавым сустрэўся з памочнікам міністра замежных спраў Кітая Лю Бінем. Аб гэтым паведамілі ў прэс-службе Міністэрства замежных спраў.
Бакі дэталёва абмеркавалі ініцыятыву беларускага боку па распрацоўцы Еўразійскай хартыі разнастайнасці і шматпалярнасці ў XXI стагоддзі.
Еўразійская хартыя разнастайнасці і шматпалярнасці заклікана садзейнічаць фарміраванню ўстойлівай архітэктуры бяспекі і супрацоўніцтва на еўразійскай прасторы на аснове прынцыпаў роўнасці і непадзельнасці бяспекі, а таксама самастойнага і салідарнага вырашэння рэгіянальных праблем дзяржавамі Еўразіі без дэструктыўнага знешняга ўмяшання.
Работа над хартыяй мае адкрыты і інклюзіўны характар і арыентавана на ўмацаванне ўзаемадзеяння па чатырох ключавых напрамках: бяспека, эканоміка, гуманітарны парадак дня і цывілізацыйны абмен.
Фота МЗС
